Me rastin e 102-vjetorit të themelimit të policisë shqiptare, është shpërndarë edhe kjo kartolinë nxjerrë nga fondi i fototekës Marubi, ku shihet si kanë qenë punonjësit e policisë në vitin 1913. Ajo që të bie në sy menjëherë sa përballesh me foton bardhë e zi, është “kodi i look-ut” që burrat e asaj kohe mbanin; mustaqet uniformë. Madje, kjo prerje mustaqesh të sjell në mend edhe look-un e drejtorit aktual të policisë shqiptare, Artan Didi. “Policia që duam” është motoja që shoqëron aksionet e uniformave blu, por a duam ne vërtetë policë me mustaqe? Aq më tepër kur së fundi edhe Presidenti Nishani i tha lamtumirë look-ut me mustaqet identifikuese.
