Emiri i saj u bë i famshëm pas intervistës që këngëtarja përfaqësuese e Shqipërisë në Eurovision, dha në Amsterdam. Shoqëruesja e Eneda Tarifës, pjesë e delegacionit shqiptar në turneun promovues të këngës sonë, mbeti mister.
Edhe pse Tarifa premtoi se do të shuante kurreshtjen e publikut duke e prezantuar Dhuratën, nuk e bëri. Megjihatë Magazina.al ka publikuar një foto të zonjës dhe zbulon emrin e saj të plotë.
Dhurata, zysha e anglishtes sikurse vetë Eneda e prezantoi, ishte personi që e “shpëtoi” nga sikleti këngëtaren, kur nuk i kujtohej fjala “përmirësohem” në anglisht. Madje, zonja në fjalë u shndërrua papritur dhe në fotografen e këngëtares së “Fairytale”.
Por, Dhurata Bejzade është punonjëse e Radio Televizioni Shqiptar. Ajo prej vitesh është edhe pjesë e grupit përfaqësues të Shqipërisë në Eurovizion. Ja tek e shihni kur ajo shoqëronte këngëtaren Aurela Gaçe, bashkë me kompozitorin e njohur Shpëtim Saraçi gjatë turit të saj para prezantimittë këngës në Eurovizion 2011.
