Pas 4 vitesh romancë me studenten e arkitekturës, këngëtari Seldi Qalliu i ka dhënë fund lidhjes me bukuroshen Dafina Zeka. "Jemi ndarë me konsensus", mësohet të ketë thënë këngëtari për mediat, duke shtuar se kjo histori mbaroi normalisht, ashtu siç nisin dhe mbyllen të gjitha. Momentalisht Seldi premton se do t'i dedikohet 100% muzikës.
Dafina është vajza e gazetarit Milaim Zeka i cili para disa kohësh, deklaroi se nuk ndërhynte në jetën private të së bijës. "Vajza ime nuk është traktor, as makinë e prishur që unë t’ia jap apo të mos ia jap dikujt." - pati thënë Zeka i pyetur nëse kishte ndikuar tek lidhja e së bijës me personazhin e showbiz-it shqiptar. Për ndryshe, lidhja e Seldit me Dafinën u komentua në shtypin e kohës si arsyeja e "ndarjes" së Sinanit me Seldin.
