Arsyet e mungesës së reperit të Babastars në mbrëmjen e ndarjes së çmimeve "Top Awards", shkojnë përtej pretendimeve se organizatorët nuk janë të aftë të vlerësojnë muzikën e tij. Ndryshe nga ky version i publikuar në media, burime brenda Top Channel thanë për anabel.al se bojkoti i Getoarit ka të bëjë me një tjetër fakt. Ai mund të mos jetë paraqitur në event, pikërisht prej mosplotësimit të kërkesave të partneres së tij nga Top Channel.
Mendohet se prej kohësh bukuroshja Marina Vjollca ka dashur të bëjë një emision fëmijësh në ekranin ku punon, kërkesë e cila deri më tani, me sa duket ka rënë në vesh të shurdhët. Ky injorim nuk i ka pëlqyer Getoarit, i cili gjithashtu ka dëshirë që partnerja e tij të shfaqet në ekran me një projekt të tillë. Prandaj thuhet se ai ka vendosur të mos jetë pjesmarrës në Top Awards, si një shenjë revolte ndaj Top Channel.
