Këngëtarja serbe e muzikës folk, Svetlana Ceca Raznatoviç në një intervistë për revistën “Ekskluzive” ka folur për jetën e saj dhe fëmijët e saj pas vdekjes së Arkanit - Zeljko Raznatoviç, udhëheqës i paraushtarakëve dhe njërit ndër kriminelët më të mëdhenj në Serbi
Veljko dhe Anastasija Raznatoviç, janë dy fëmijët e këngëtares serbe Ceca dhe të njohurit Arkan, për të cilët ajo thotë se i ka rritur me dashuri dhe nuk ka lejuar që asnjëherë fëmijët e tyre të ndjenjë urrejtje ndaj ndokujt.
“Ata janë rritur pa baba (Arkani u vra në Beograd nga një vrasës i panjohur, në muajin janar të vitit 2000), mirëpo mendoj që kam bërë punë të mirë në zhvillimin e tyre, pasi ata janë tani të mbushur vetëm me dashuri për secilin person”, thotë Ceca.
Ceca gjithashtu flet për problemet e së kaluarës, duke përfshirë edhe vdekjen e bashkëshortit.
Ajo rrëfen se tani në familjen e saj, nuk përmendet ajo kohë – koha kur bashkëshorti i saj Arkan ishte akuzuar nga Gjykata Kriminale Ndërkombëtare për vrasjet në kohën e ish-Jugosllavisë, e më pas i ekzekutuar edhe në Beograd, vrasësi i të cilit ende nuk dihet.
Arkani u vra në Beograd nga një vrasës i panjohur, në muajin janar të vitit 2000.
