Nëse iu kishte shpëtuar një selfie e herëshme e reperit kosovar ku në sfond duket shtrirë kolegu i tij Ermal Fejzullahu, blitz.al u kujdes ta rikthejë së fundi në vemendje. Për më tepër, ta servirë atë në mënyrë tejet provokuese, aq sa në pamje të parë, duket sikur kërkon të hedhë dyshime mbi seksualitetin e Ledri Vulës.
“Nuk do ta besoni me kë është në krevat Ledri”, thuhet në titullin e portalit, i cili komenton foton ku dy këngëtarët kosovarë të cilët jo vetëm nuk ndajnë shtratin bashkë, por ata shfaqen dukshëm në distancë nga njëri-tjetri!
“Me kë është zgjuar sot reperi Ledri Vula? Të gjithë ndoshta duhet të jeni duke menduar për ndonjë femër seksi, por jo. Ashtu si edhe mund të shihet në foto, Ledri e ka kaluar natën me Ermal Fejzullahun.” – shkruhet në artikullin delikat të blitz.al, për të cilin, mbetet ende mister arsyeja e publikimit. Akoma më i paqartë bëhet artikulli po të kemi parasysh faktin se kjo media ka qenë shumë pranë artistit në fjalë dhe shpesh ka publikuar lajme ekskluzive si në rastin e bashkëpunimeve të Ledrit me Florin. Nuk dihet nëse përveç fotos, blitz.al ka ndonjë informacion më shumë, i cili mund ta shqetësonte vërtetë Ledrin. Përndryshe, mbeten vetëm gojët e liga.
