Gati një vit pasi u bë baba i vajzës Negin, aktori Devis Muka ka hedhur një tjetër hap në karrierën e tij në televizion. Këtë sezon të ri, e pamë nën drejtimin e emisionit investigativ “Fiks Fare”, bashkë me aktorin tjetër Dorian Ramaliu.
Natën e parë të Fiksit, çunat u emocionuan aq shumë sa nuk u kursyen të shkëmbenin një puthje në buzë, në ekran! Ky akt i ish aktorëve të “Pa Limit” u komentua gjerësisht në mediat sociale. Por, ndërkohë që Doriani është beqar, kolegu i tij Devis Muka është i martuar dhe baba i një vajze. 32-vjeçari u bë prind për herë të parë nga lidhja disavjeçare me partneren Nertila Teme e cila nuk është pjesë e spektaklit, shkruan “Story”. Me sa duket Devisi ka gjetur personin e duhur në krah, përderisa bashkëshortja e kupton kaq mirë në punën e tij.
