Nuk ka zgjatur më shumë se 24 orë zhurma për largimin e Salsano Rrapit nga varieteja e humorit në Top Channel. Nisur nga mosprezenca e tij në spotin që lajmëron nisjen e spektaklit, shumë media hodhën dyshimet për ikjen e një tjetër prezantuesi nga “Portokalli”. Por, ndyshe nga sa u tha Salsano nuk do të ketë fatin e koleges së tij Eneda Tarifa e cila është konfirmuar tashmë se këtë sezon nuk do të jetë në skenën e humorit.
Vetë aktori u kujdes të hedhë poshtë zërat me postimin e një foto. “Gati. Portokalli 2 tetor”, shkruan Salsano në selfien ku duket Xhemi Shehu dhe skenografia e re e spektakltit.
