Fejesa e vajzës së ish-deputetit socialist Koço Kokëdhima vazhdon të ngjallë kuriozitet në rrjetet sociale. Ndonëse Bora, përmes një prononcimi nuk u kursye në detaje nga ceremonia private e mbajtur pak javë më parë në Dhërmi, çifti vazhdon të mbetet në qendër të vëmendjes. Aq më shumë, kur deklaratat e dashurisë bëhen në publik!
Stilistja e markës “Savage” ka postuar një dedikim për Olsin, të fejuarin e saj! Çifti shfaqen në një moment romantik, me gjasë gjatë ndonjë kërcimi në festën e fejesës. “Do të jetojmë të lumtur i dashur”, i premton Bora partnerit, duke zbuluar dhe unazën e fejesës që sipas vetë stilistes “është një unazë diamant 1.2 karat, prerja markez, 4 gram flori i bardhë zgjedhje e partnerit tim”.
