Më në fund pritja mbaroi. Elvana Gjata ka vendosur të shfaqë premierën e klipit të ri, të hënën në orën 19. Por më shumë se rikthimi i këngëtares në muzikë, akoma më interes duket se ka ngjallur “kodi” lejla që ajo po kërkon të influencojë tek fansat.
Përtej fustaneve që siç tha i ka krijuar vetë, Elvana Gjata ka bojatisur me lejla edhe trenin, helikopterin, skafin… Mjete të cilat shfaqen njëri pas tjetrit në sekuencat e shpërndara nga vetë këngëtarja.
Nuk dihet nëse kjo fushatë ka lidhje me ngjyrën e Rilindjes, por me shumë gjasë, kryeministrit Edi Rama do t’i jetë bërë shumë qejfi. Kujtojmë këtu autobuzin e zgjedhjeve të 2013-ës i cili nuk kishte asgjë më pak se “shpikja” e Elvanës.
Nga ana tjetër, simbolika e mjeteve ujore e ajvionëve të ngjyrosur me lejla, nga përkrahësit e PD-së do mund të përkthehej fare lehtë; “narko-trafiku i Rilindjes”. Megjithatë, të hënën pritet që ky mister të zgjidhet. Nëse bëhet fjalë për politikë, apo thjesht kënga e Elvanës do të jetë hiti i rradhës.
