Përplasja mes dy artistëve 3 vite më parë duket se ka ngelur ende në kujtesë të publikut e medias. I ftuar në emisionin 'Express Rozë', Adrian Gaxha është pyetur për projektet më të reja muzikore, por dhe për marrëdhënien aktuale me Flori Mumajesin.
Moderatorja kosovare interesohet për raportet e këngëtarit nga Shkupi me kantautorin nga Tirana dhe Gaxha shprehet: “S’kemi patur kontakt as përpara zënkës. E respektoj, është producent i mirë, këngëtar i mirë dhe këngët i ka super, por vetëm kaq.”
Të dy u përfshinë në një konflikt rreth tre vite më pare. Gjithccka nisi pasi Flori akuzoi Gaxhën se për të krijuar këngën “Ngjyra e kuqe”, pjesëmarrëse në “Kënga Magjike”, ka vjedhur melodinë e këngës së tij “Tallava”. Adrian Gaxha reagoi shumë ashpër pas këtyre akuzave, duke e sulmuar Florin me fjalën ‘gay’. Por siç duket, gjithçka i përket të shkuarës dhe dy artistët nuk kanë më probleme mes tyre.
