Mbrëmjen e djeshme, një zjarrvënie e cila rezultoi të ishte e qëllimshme tronditi kryeqytetin. Sipas policisë ngjarja ndodhi orës 22:30 në parkingun e qendrës së bizneseve “Olimpia” ku iu vu zjarri makinës së producentit Flori Mumajesi. Ai njihet nga të gjithë si krijuesi i shumë prej këngëve dhe studios muzikore “Three Dots”. Nuk dihen ende motivet e këtij sulmi që për fat të mirë kaloi pa persona të lënduar. Pas ngjarjes, policia ka nisur menjëherë hetimet. Nga kamerat e sigisë duket një person që hyn me dy shishe benzinë në dorë në parkim. Ende ai nuk është identifikuar.
