Fitorja e masterchef-it Renato Mekolli në Finalen e spektaklit “Dance With Me” nuk është reflektuar asnjë grimcë në profilet e tij në mediat sociale. Përkundër momentit të fitores që sikurse pamë të gjithë në ekran, u surprizua e u gëzua, kuzhinierit i cili së bashku me aktoren Laura Nezha ngriti kupën, duket se nuk i plas fare për këtë çmim.
Po të kemi parasysh aktivitetin e tij në Instagram ku poston vazhdimisht edhe detaje në dukje të parëndësishme, mund të thuash pa frikë se Renato Mekolli e ka injoruar triumfin në “Dance With Me”.
Teksa kanë kaluar disa orë nga shpallja fitues, shefi i njohur nuk ka shpërndarë asnjë çast (foto/video) nga shfaqja e natës Finale. Postimi i tij i fundit, mëngjesin e sotëm është video e një rruge… Ndërsa gjurmë nga spektakli i kërcimit i takojnë përpara një jave. Nuk dihet pse kuzhinieri i famshëm ka zgjedhur të heshtë përballë kësaj fitore, por e sigurt është që mediat dhe publiku u pane më se dakord, me çmimin e dhënë.
