Faton Shoshi, partneri dhe menaxheri i Era Istrefit, surprizoi këngëtaren me një dhuratë që nuk mund ta bëjë kushdo, por siç tha Era, ai është Faton Shoshi.Ai postoi në Instagram targën e një makine Rolls Royce, ndër më luksozet, me emrin e Erës. Dhe reagimi i saj ishte ashtu si i yni: Uaaaaauuuuu.Ishte padyshim një dhuratë shumë e kushtueshme. Modelet e fundit Rolls Royce kushtojnë nga 250 mijë dollarë deri në aq sa s’na e bën dora ta shkruajmë. Ndaj edhe një prej producentëve muzikorë të shtëpisë diskografike me të cilën Era po punon albumin e ri botëror, „Ultra Music“, mbeti gjithashtu pa fjalë përballë kësaj dhurate. „Ky djalë është i pabesueshëm“, komentoi Oscar në këtë foto. Dhe Era, pasi e mori disi veten nga shoku, i ktheu përgjigje duke i shkruar: "Ai është Faton Shoshi (foto poshte)“.
