Një nga reperët më të famshëm në botë, Puff Daddy, ka vendosur të publikojë këngën e artistes shqiptare Era Istrefi në profilin e tij në Facebook.
Diddy, një reper i famshëm dhe një emër i brezit të TuPac dhe B.I.G, e ka publikuar këngën ditën e djeshme, pa dhënë asnjë koment. Menjëherë kanë vërshuar komentet nga ana e fansave, të cilët e kanë pritur mirë këngën e shqiptares së panjohur për ta. Sipas Iconstyle, ndjekësit e Diddy-t kanë arritur deri aty, sa i kanë kërkuar atij një remiks të Bon Bon-it.
Mirëpo, 24 orë pas publikimit, ai e ka fshirë postimin. Në profilin e reperit nuk gjendet më kënga, ndërkohë që shihen ende postimet e ditës së djeshme me rastin e festave. Nuk dihet se përse artisti e publikoi fillimisht këngën dhe më pas e fshiu atë.
