Vitin e kaluar ky emision pati vërtet sukses dhe pjestarët e jurisë ishin zgjedhur posaçërisht për të bërë komente pikante e për të ngacmuar vazhdimisht personazhet e njohur në garë.
Ata ishin Bleona Qereti, Bojken Lako dhe Arian Çani.
Edhe pse ende nuk është zbuluar kasti i personazheve të njohur që do të marrin pjesë këtë edicion, kemi zbuluar se njëra prej pjestareve te jurisë do të jetë Olta Gixhari. Kjo e fundit e konfirmoi këtë lajm përpara pak minutash në emisionin e Ermal Mamaqit. Jeni kuriozë për dy pjestarët e tjerë? Burime pranë stafit te “YFSF”, kanë rrëfyer se pranë Oltës do të jetë sërish Arian Çani dhe pjestarja e tretë do të jetë Alma Bektashi, që ne jemi mësuar ta shohim si pjesë të jurisë në “The Voice of Albania”.
