Bashkë me krijimin e organizatave dhe grupeve në mbrojtje të komunitetit LGBT në Shqipëri, personazhe të ndryshme publike kanë ndjerë të nevojshme të ngrenë zërin kundër personave me prirje seksuale ndryshe nga ajo 'standardja' mashkull-femër. Të 'zënë mat' në intervista apo duke shfrytëzuar lirinë e rrjete sociale, emra të njohur të skenës, ekranit apo sferës politike kanë dalë hapur kundër këtij komuniteti, shpesh edhe duke krijuar përplasje me aktivistët në mbrojtje të tyre.
Mesila Doda
"Nuk merrem me fyerje e as nuk dua të atakoj kënd, por nuk kam frikë të them që besoj në familjen burrë grua dhe fëmijë që rrjedhin prej saj, si e vetmja formë natyrale. Beson në qenien njerëzore që lind e tillë siç e krijoi Zoti dhe çdo gjymtim i saj është krim kundra natyrës e kundra jetës. pjesa tjetër është vulgaritet," ka shkruar deputetja në një postim të saji në Facebook, si replikë e Kristi Pinderit, aktivist i LGBT-së në Shqipëri.
Ermal Mamaqi
"Mundohuni të ndryshoni sa nuk është vonë"- i këshillon moderatori i "Xing me Ermalin" personat me prirje homoseksuale. Në ditën ndërkombëtare kundër homofobisë, Ermali ka publikuar një status në Facebook drejtuar këtij komuniteti. "Dua të uroj të gjithë kolegët e mi gay dhe t'u them që unë dhe pastroi i kishës time jemi kundër martesave gay. Ktheni sytë nga Zoti dhe mundohuni të ndryshoni sa nuk është vonë. Mos i mbani sytë nga vetja,"- është shprehur aktori i humorit, që siç duket nuk i paska bërë detyrat siç duhet, në të kundërt do ta dinte që homoseksualiteti nuk është "sëmundje që mund të shërohet".
Lindita Idrizi
Miss Universe Albania që së fundmi është kurorëzuar si Miss Fotozhenia në eventin e Miss Universe, e pyetur nëse është 'homofobe' në një intervistë për Prive u përgjigj pozitivisht. Dhe sigurisht që nuk kishte fantazuar kurrë seksualisht për gjininë e njëjtë.</p>
Eneida Tarifa
Këngëtarja nuk e priti fort mirë fitoren e Conchita Wrust, këngëtares transgjinore në Eurosong. "Ky na qenka Eurosong-u. Ku po shkojmë, ku është fshehur muzika? Ku është strukur muzika?" shkruante Tarifa, që përpos talentit të këngëatres austriake, ishte e shqetësuar për mënyrën se si do t'ia prezantonte vajzës së saj 'këtë tip këngëtari'? Deklarata e saj u pasua nga një replikë e ashpër e Kristi Pinderit.
Stresi
Këngëtari ka dalë hapur kundër komuniteti LGBT nëpërmjet një fotoje të dy burrave duke u puthur të publikuar në rrjete sociale. Reperi e ka quajtur 'në mënyrën e tij' si një gjest të papërshtatshëm për burrat.
Adelina Tahiri
Këngëtarja në një intervistë për 'Prive' pranoi se është 'shumë anti-homoseksuale. Ajo pranoi se nuk do të kishte dot kurrë shoqe lesbike 'sepse ato do të përfundonin duke e gjuajtur gjithsesi'. /anabel.al/
