Tashmë edhe këngëtari i famshëm, Adam Levine, ka yllin tij në “Walk of Fame”. I shoqëruar nga bashkëshortja dhe vajza e tyre 4 muajshe, treshja ishte e gjitha buzagaz, teksa këngëtari i njohur merte yllin e tij në rrugën më të famshme të LA-t.
Supermodelja Behati Prinsloo, me një lëkurë rrëzëllitëse dhe trup me forma perfekte, dëshmoi edhe një herë se një modele e Victoria’s Secret mbetet po e tillë, edhe kur bëhet nënë. Veshur me një fustan bust, të zi, të ngushtë, ajo e kompletoi look-un e saj bashkë me një peliçe hedhur krahëve dhe një grim të lehtë rozë. Hera e saj e parë publike që pas lindjes së vajzës dhe duhet thënë se dukej një mrekulli, por gjithsesi edhe pse në top formë ajo që rrëmbeu në të vërtetë gjithë vëmendjen ishte bukuroshja 4 muajshe e çiftit, Dusty Rose aq sa të gjitha mediat më shumë u morën me faqet e vogelushes sesa me vet këngëtarin. Eh, e si mund të ndodhte ndryshe?
