Ditët e fundit është përfolur shumë për sherrin mes Noizyt dhe Encës të cilët vërshuan me një lumë deklaratash negative kundër njëri-tjetrit.
Shumë menduan se ‘molla e sherrit’ ishte intervista e Encës ose ajo e Noizyt vetëm pak javë më parë, por shkëputja mes të dyve ka ndodhur muaj më parë, konkretisht në fillim të muajit Dhjetor të vitit të kaluar. Koncerti i fundit i përbashkët mes dyshes ka qënë më 27 Nëntor 2016 dhe koncerti që ata kishin planifikuar për ndërrimin e viteve, sipas Gazetës Shqiptare, u anullua pikërisht për problemet mes tyre.
