Agim Doçi gjatë një interviste është shprehur për prapaskenat e festivalit të 27-të të Këngës në RTSH.
Ai tha se në atë edicion merrte pjesë Parashqevi Simaku me me këngën “e Duam Lumturinë” dhe kishte kërkuar me patjetër që të vishte një fustan taftaje me ngjyrë rozë, e për t’ia mundësuar këtë atij ju desh të vidhte perdet e Komitetit Qendror.
“I vetmi vend ku mund ta gjeja ishte Komiteti Qendror. Perdet e Komitetit Qendror ishin bojë rozë. I kam vjedhur dhe me copën në dorë kam shkuar tek rrobaqepësja më e mirë e artistëve, Shpresa Zeraliu, të cilës sa nuk i ra pika kur m’i pa në dorë, sepse i njohu që ishin perdet e Komitet”, u shpreh Doçi.
