Nuk ishin Adele, One Direction apo Little Mix fituesit e mëdhenj të muzikës britanike, Bowie nuk e liron fronin edhe pas vdekjes!
David Bowie ishte fituesi i madh këtë vit në Brit Awards, duke udhëhequr listën me dy çmime të fituara pas vdekjes. Artisti i ndjerë mundi Skepta, Kano dhe Michael Kiwanuka në garën për të fituar çmimin “Artisti Mashkull Solo Britanik Më i Mirë”. Ai siguroi edhe nderimin më pretigjoz të mbrëmjes, “Albumi Më i Mirë Britanik”, me albumin e tij të 25-të dhe të fundit në karrierë, “Blackstar”. Djali i tij Duncan Jones bëri një homazh prekës për të atin ndërkohë që hipi në skenë për të marrë çmimet në vend të tij.
