Mjaftoi vetëm që diva e muzikës pop të deklaronte publikisht se është në pritje të ëmbël, jo me 1, por me 2 fëmijë, dhe tani të gjithë sytë janë mbi ta.
Qarkullojnë thashetheme se prindërit e vogëlushes Blue Ivy, i kanë zgjedhur krevatet e bebeve qysh herët. Të veshur me ar 18 karat në pjesën e jashtme të tyre e të mëndafshtë nga brenda, krevatet për fëmijët e çiftit më famshëm mendohet të shkojnë deri në 38.000 euro secili.
E sikur e gjithë kjo të mos mjaftonte, ikonat e muzikës thuhet se kanë zgjedhur biberonat më të shtrenjtë të parë ndonjëherë. Në formën e një varseje dhe me diamantë rreth saj, biberonat e vogëlushëve kapin shifrën e 80.000 eurove.
