Aktori Terrence Howard sot, një natë pas Oscars, bën pjesë në shumë artikuj që mbajnë titullin ‘Veshjet më të këqia të Oscar’.
Ai i surprizoi të gjithë mbrëmjen e djeshme kur u shfaq në tapetin e kuq me pizhame të La Perla.
Kostumi-pizhame që ai kishte zgjedhur ishte blu i errët dhe në pjesën e xhaketës kishte motive rrethore. Sigurisht nuk mungonte as rripi në mes, ashtu siç u ka hije pizhameve. Megjithatë kjo nuk është hera e parë që diçka e tillë ndodh në tapetin e kuq, pasi më herët edhe aktori Ryan Gosling, që e humbi Oscar-in nga duart dje ka veshur diçka të ngjashme.
