Fabio Antonian, 39 vjeç, pësoi dëmtime të rënda fizike pas një aksidenti rrugor në vitin 2014, si pasojë e të cilit mbeti i verbër dhe tetraplegjik.
Lajmin për vdekjen e tij e dha aktivisti Marco Capatto, një nga mbështetësit dhe njerëzit që e shoqëruan 39-vjeçarin deri në momentet e tij të fundit të jetës. “Ai shtypi një buton me anë të të cilit çliroi substancën vrasëse. Ishte në ankth dhe i frikësuar pasi mendonte se për shkak të verbërisë mund të mos e gjente dot butonin. Madje, u mundua ta kalonte duke bërë shaka”, shkruan Antonian në profilin e tij.
Vdekja e Dj Fabos ka shkaktuar një debat shumë të madh në Itali, aty ku eutanazia është e ndaluar me ligj dhe nga Kisha Katolike. Fabo nisi një fushatë të gjatë të quajtur “Fabo Libero”, ku i kërkonte presidentit italian leje për të zgjedhur vetë të vdiste pa vuajtje. Por, pasi qeveria refuzoi kërkesën e tij, ai u detyrua ta realizonte këtë gjë në Zvicër.
