Këngëtarja italiane, Emma Marrone, është përlotur në intervistën e dhënë për prezantuesin e njohur Maurizio Costanzo. 32-vjeçarja foli për familjen, dashurinë, sëmundjen dhe marrëdhëniet e saj në të kaluarën. Por, ajo që e vendosi më shumë në siklet këngëtaren, ishte pyetja rreth Stefano De Martino-s dhe ndarja dramatike me të.
“Nuk është se nuk takohemi. Ai ka jetën e tij, unë timen. Unë i kam dashur personat me të cilët kam qenë e lidhur, por historitë mbarojnë, dhe ajo që më ndodhi është ajo që u ndodh të gjithëve”, pohoi këngëtarja.
Megjithatë, ajo u vendos vërtet në siklet kur Costanzo e pyeti nëse Stefano kishte rezultuar një zhgënjim për të. “Me të gjithë respektin për ty, unë nuk do përgjigjem. Janë gjëra private dhe nuk do thosha asgjë për të, ashtu siç nuk do të thosha për asnjë nga personat me të cilët kam qenë e lidhur”, theksoi Marrone.
