Ata kishin 10 vjet së bashku.
Albumi dhe një puthje e dhënë në skenë gjatë një performance krijuan përshtypjen se kishte shumë mundësi që të ktheheshin sërish bashkë. Por, një gjë e tillë u mohua nga Jennifer, e cila të premten tha në një intervistë se jo vetëm që nuk do kthehen më bashkë, por ka dhe një arsye të fortë për këtë gjë.
Ajo foli me shumë detaje për babanë e dy fëmijëve të saj, Max dhe Emme: “Unë dhe Marc jemi mirë kështu si jemi. Ka një arsye përse nuk jemi bashkë, por kjo s’do të thotë që s’duhet të jemi miq të mirë. Ne jemi prindërit e dy fëmijëve dhe po punojmë në një album në gjuhën spanjolle. Ne punojmë mirë bashkë, sepse kështu u takuam: në punë. Kur bashkëpunojmë arrijmë produkte magjike në skenë dhe jashtë saj. Le ta lëmë kështu siç është.”
