Aktori Bes Kallaku dhe këngëtarja Xhensila Myrtezaj prej pak kohësh kanë bërë të ditur se do të martohen këtë vit pa dhënë shumë detaje për të, por Xhensila e ftuar në ‘Prive’ ka zbuluar disa gjëra që vajzat i konsiderojnë shumë të rëndësishme, unazën dhe fustanin!
Ajo ka rrëfyer se unaza me gur të çmuar që mban në dorë është një dhuratë nga aktori për Shën Valentin. Unaza është më tepër një simbolikë pasi nuk pati një propozim martese tradicional për faktin që ashtu siç tregon Xhensila, ata e kanë tashmë një lidhje të konsoliduar.
Ndërsa për fustanin ajo ka treguar se do ta realizojë stilisti kosovar Valdrin Sahiti. Organizatorët dhe bashkëpunëtorët e dasmës do të jenë nga Kosova dhe Shqipëria.
