Supermodelja Adriana Lima i ka dhënë fund lidhjes së saj thuajse 1-vjeçare me të dashurin Julian Edelman. Sipas portalit E!News, ylli i Victoria’s Secret dhe lojtari i futbollit amerikan janë ndarë pak përpara ceremonisë së çmimeve Oscar.
Arsyeja e ndarjes? Sipas portalit të famshëm ka qenë një mospërputhje axhendash që shpeshherë bëhej shkak për zënka mes çiftit. Dyshja fillimisht ka tentuar ta mbajë të fshehtë lidhjen, por 35-vjeçarja u shfaq në stadium për finalen e Super Bowl duke bërë tifozllëk për të dashurin 30-vjeçar.
Burime pranë supermodeles thonë se ajo tashmë po përqendrohet vetëm tek karriera e saj e modelingut dhe tek dy vajzat që ka nga martesa e saj e parë.
