Kur u publikua fillimisht lajmi se aktorja Mischa Barton kërcënohej me nxjerrjen e një videoje seksi online, të gjithë nisën të mendonin se kjo s’mund të ishte e vërtetë.
Por, aktorja e ka pranuar këtë gjë nëpërmjet avokates së saj. Përfaqësuesja ligjore Lisa Bloom ka folur për herë të parë rreth videos me tone kërcënuese për këdo që e zotëron dhe që do ta shpërndajë online.
“Jam shumë krenare që po mbroj aktoren Mischa Barton, e cila me shumë kurajo po mbron të drejtat e saj. Zonjusha Barton nuk ka rënë dakord as për regjistrimin dhe as për shpërndarjen e tyre. Ka një term që e shpjegon këtë gjë dhe quhet hakmarrje përmes pornografisë. Kjo është një formë e abuzimit sekual dhe një krim. Ne do ngrihemi kundër tij”, deklaroi avokatja e aktores. Duket se “kërcënimi” shkon jo vetëm për ata që e kanë krijuar, por edhe për ata që tentojnë ta blejnë.
