Bëhet fjalë për këngëtaren Demi Lovato e cila fillimisht u bë e njohur nga filmat për adoleshentë ndërkohë që tani është e pjekur mjaftueshëm për të marrë përsipër jetën e saj dhe për të bërë më të mirën.
Nëpërmjet rrjeteve sociale ajo i ka treguar ndjekësve se sot feston 5 vjetorin e një beteje personale kundër abuzimit me drogën, alkoolin dhe veseve të këtij lloji. “Jam shumë mirënjohëse. Ka qenë një betejë e vërtetë. Ka pasur ulje dhe ngritje dhe shumë herë kam dashur që ta lë këtë por me ndihmën e Zotit unë e kam mundur fiksimin. Jam shumë krenare për veten por nuk do ta kisha bërë këtë të mundur pa Zotin, familjen, miqtë dhe këdo tjetër që më ka ndihmuar e motivuar. Ndihem shumë e lumtur sot! Faleminderit që më keni qëndruar pranë dhe keni besuar tek unë!” – ka shkruar aktorja në një postim në Instagram.
