Ylli i “La Vie en rose”, Marion Cotillard është bërë për herë të dytë nëna e një vogëlusheje.
Aktorja 41-vjeçare është nëna e një djali 5 vjeçar, Marcel-it, i lindur nga lidhja 10-vjecare me partnerin Guillaume Canet. Të gjithë i kthyen sytë nga Cotillard kur lajmi i divorcit mes Angelina Jolie dhe Brad Pitt pushtoi mediat botërore.
Por edhe pse shpesh indiferente ndaj të tilla lajmesh, Cotillard vendosi ta sqaronte këtë situatë një herë e mirë.
“Edhe pse nuk e kam zakon të komentoj të tilla lajme, e gjithë kjo prek njerëzit që unë dua dhe prandaj duhet të flas. E para, unë prej vitesh kam në krahë njeriun e jetës sime, me të cilin kam një djalë dhe jemi në pritje të fëmijës tonë të dytë. Ai është dashuria ime, shoku më i mirë dhe i vetmi për të cilin kam nevojë.”, sqaroi ajo. Duket se askush nuk ka më asnjë dyshim rreth gjithë kësaj, aq më tepër pas pjesëtares më të re të familjes.
