Dramaturgu i njohur John Byrne deklaroi publikisht se ka lindur si fryt i marrëdhënies incestuoze mes të ëmës dhe babait të saj.
Ai e zbuloi të vërtetën tronditëse në vitin 2002, në shtëpinë ku bashkëjetonte me ish-të dashurën, aktoren Tilda Swinton. Ishte kushërira e tij, Aileen, ajo që i kish rrëfyer të vërtetën. Fillimisht, kishte folur me Tilda-n, duke i marrë mendim asaj nëse do të duhej t’ia thoshte John-it apo jo.“Duhet t’i tregosh”, qe përgjigja e saj. John Byrne tregoi për “The Times” se kujton sesi e ëma ecte me kilometra të tërë për të takuar babanë e saj. “Ishte e dashuruar me të atin. Donte vetëm të rrinte me të.”, kujton ai.
Pak kohë pas kësaj, John Byrne dhe Tilda Swinton u ndanë. Ata kanë dy fëmijë bashkë.
