James Blake nuk mund të kishte zgjedhur pamje kaq hipnotizuese sa këto të videokilipit të këngës “My Willing Heart” ku merr pjesë aktorja e famshme Natalie Portman.
Klipi na kujton paksa imazhet magjepsëse të Beyoncé gjatë shtatzanisë së saj të shkrepura nën ujë. Videoja është xhiruar disa ditë para se aktorja të lindte vogëlushen e saj Amalia më 22 Shkurt. Gjithashtu djali i saj 5-vjeçar, Aleph, është pjesë e klipit. Një shtrat dramatik, ngjyra bardh e zi, hijet e bardha nën ujë dhe zëri çlodhës i Blake e bëjnë këtë video një arsye më shumë për t’u dashuruar me muzikën.
