Samira Wiley, ylli i “Orange is the new black” dhe partnerja Lauren Morelli u martuan dje në një ceremoni private në Palm Springs, California.
Për fat, mediat publikuan fotot nga ceremonia. Samira kishte zgjedhur një fustan krejt të bardhë në prerje princeshe kurse Lauren një jumpsuit, gjithashtu të bardhë me kapotë. Të dyja u veshën nga stilisti Christian Siriano.
Vendi që zgjodhën për ceremoninë nuk ishte i rastësishëm: në tetor, Lauren Morelli i propozoi Samirës pikërisht në këtë vend. Ishte kurorëzimi i marrëdhënies së tyre 3-vjeçare, që nisi në sheshxhirimin e serialit të famshëm, ku Lauren është skenariste kurse Samira, ka një rol jo-protagonist.
