2 muaj pas finalizimit të divorcit me Amber Heard, duket sikur kjo ndarje ka ndikuar shumë te Johnny Depp. Teksa hynte në restorantin ku Lady Gaga festonte ditëlindjen të martën në mbrëmje, aktori u shfaq shumë, shumë kile më pak se në daljet e tij të fundit.
53-vjeçari u fotografua duke shkuar drejt restorantit “Gjelina” të Los Angeles-it, të cilin e drejton një sipërmarrës me origjinë shqiptare, Fran Camaj. I veshur me një xhup lëkure, xhinse të zeza dhe një beretë, Depp i kishte fshehur sytë pas një palë syzeve me xham në blu të errët.
Në maj të vitit që shkoi, u publikuan disa foto ku dukej Amber me syrin të nxirë. Ajo e akuzoi Johnny-n se e kishte dhunuar gjatë martesës së tyre që zgjati vetëm një vit. Ndonëse këto pretendime u mohuan nga të afërmit e Depp, gjykata vendosi në favor të saj.
