Nëse po shpresonit për një rikthim të Ledrit me ish të dashurën e tij, mos mbani frymën, sepse me shumë gjasa, diçka e tillë nuk do të ndodhë. Reperi ka hyrë në një kapitull të ri në jetën e tij sentimentale dhe me keqardhje themi se gjithçka po ndodh larg rrezes tonë të shikimit.
Sipas revistës 'Story', Ledri është lidhur me një vajzë shqiptare që jeton në Gjermani. Burime pranë çiftit bëjnë me dije se vajza që ka rrëmbyer zemrën e reperit quhet Sara dhe dëshiron të qëndrojë larg vëmendjes mediatike, ndaj ka mbyllur çdo llogari në rrjete sociale. Dyshja takohet dhe dashurohet jashtë Kosovës, kjo për ta mbajtur sa më private lidhjen që është ende në fillimet e saj.
E pritshme duke qenë se Ledri nuk i pëlqen të flasë për jetën personale, megjithëse në rastin e lidhjes së tij të fundit, le të themi se i doli paaaak situata jashtë kontrollit, me të gjitha fanset që donin të mësonin kaq shumë rreth vajzës që mbante në krah.
