Fërkimi mes drejtueses së Dritare.net dhe moderatorit Ledion Liço ka vazhduar me publikimin e grafikut të shikueshmërisë që zakonisht i referohen jo vetëm mediat, por gjithashtu agjentët e marketingut të cilët shpërndajnë buxhetet nëpër televizione. Kështu, ndryshe nga tabela “anonime” pa orare dhe datë që i referohej Ledioni, duke nxjerrë programin e tij “The Voice” në krye të audincës, Rudina Xhunga i ka “përplasur” referencat e kompanisë së njohur “Telemetrix”.
Në shkrimin shpjegues të grafikut, “Dritare.net sjell sondazhin e detajuar me datë dhe orë të kompanisë së sondazheve Telemetrix, ku duket qartë se televizioni Klan, me ngjyrë bojëqielli në grafik, kryeson trefish televizionin Top Channel, me ngjyrë lejla, në të njëjtën ditë dhe orë, pra 31 mars 2017, nga ora 21:00-23:59, ku TV Klan ka 38.2% share ndërsa Top Channel, 15.1 %.”
Por thumbi i Rudinës shkon më tej, kur shkruan: Mesa duket Liço ka ndarë me ndjekësit një sondazh të kohërave të lavdishme të tij, vite më parë.
E gjitha nisi pas një shkrimiopinion të portalit të drejtuar nga Rudina Xhunga ku thuhej se Ledioni e ka humbur lidhjen me shikuesin. Këtij të fundit duket se i dogji dhe për këtë arsye iu hakërrye ish-koleges duke i përmendur përzënien nga Top Channel.
