"Jam për fat të keq e detyruar të konfirmoj thashethemet se Morgan ka ikur nga ‘Amici’. Është e vërtetë, dhe unë e konsideroj atë një prej dështimeve të mia."
Kjo është deklaruar nga Maria De Filippi në një deklaratë të gjatë ku ndër të tjera ajo shton: "Pas një pritjeje të gjatë dhe të kotë për një takim me autorët dhe ata që menaxhojnë prodhimin, çdo gjë ka degjeneruar. Nga ai kanë nisur fyerje, akuza, teori komploti dhe persekutimi. Sa keq!"
Deklarata e producentes vjen pasi gjatë regjistrimit të episodit që do të transmetohet të shtunën muzikanti Morgan ishte ngritur duke braktisur studion pas një përplasjeje me publikun dhe me studentët e tij të cilët vinin në pikëpyetje zgjedhjet e tij artistike; Ata e akuzuan Morgan se zgjedhjet e tij të këngëve nuk i përshtateshin aspak timbrit të tyre.
Produksioni bën të ditur se spektakli I së shtunës është për të mos u humbur dhe në një video të shkurtër duket Morgan teksa largohet dhe këngëtaret si Emma Marrone apo edhe vet Maria duke u përpjekur të qetësojnë gjakrat.
Nga ana tjetër publiku ka tallur vazhdimisht artistin.
