Ndërkohë që një pjesë e mirë e shqiptarëve vazhdojnë të shqyejnë sytë kur shohin personazhe publike të zhvishen ‘paturpësisht’ në sete fotografike, videoklipe apo dalje publike, diçka e tillë nuk i ka ndaluar aspak vajzat e showbiz-it shqiptar të pozojnë nudo përpara aparatit.
E para që e nisi këtë ‘valle’ ishte Rajmonda Bulku 25 vite më parë me filmin “Vdekja e kalit”, ku aktorja ka xhiruar një skenë intimiteti me Timo Fllokon dhe shfaqet pothuajse nudo.
Së fundmi, Aurela Hoxha ka shkaktuar po të njëjtën bujë me skenën në dush në trailer-in e pjesës së tretë të filmit “Dashuria e Bjeshkëve të Nemuna” .
Në një intervistë për ‘INterview’ Aurela tha se fillimisht ishte stepur për t’u bërë pjesë e filmit, por pasi u njoh me personazhin që kishte rol kyç në film, ndryshoi mendje.
Egla Harxhi tërhoqi drejt vetes një vëmendje të paparë, sepse u rikthye me një set fotosh nudo, madje e shoqëruar edhe nga një vajzë tjetër.
Edhe sikur të mos zhvishej Enca sërish do diskutohej shumë prej formave trupore. Por këngëtaren nuk e shqetësojnë fjalët. Përkundrazi, ajo e do trupin e saj dhe nuk ka frikë ta tregojë.
