Luana Vjollca dhe Krenar Çoçaj ishin duke lëvizur bashkë me dy mjete të ndryshme në Unazën e Re mbrëmjen e kaluar.
Luana ka qenë quke ecur me makinën e saj, ndërsa nga pas ka qenë i dashuri Krenar Çoçaj me një makinë “Range Rover”.
Pranë një semafori, makinat kanë ngecur në trafik dhe në ato momente Besmir Lila i ka prerë rrugën Luana Vjollcës, duke i shkuar tek xhami i makinës, ku i ka kërkuar që ta hapë dhe të komunikojë me të.
I dashuri i saj, Krenari ka parë të gjithë situatën dhe ka dalë nga makina e tij. Ai e dinte se Luana përndiqej këmba-këmbës prej 3 muajsh nga Besmir Lila, por nuk ishte përballur më herët me të. Në këtë moment nuk ka duruar dot dhe i ka kërkuar këtij të fundit që të mos e shqetësojë më Luanën.
Lila i është përgjigjur me dhunë, duke e grushtuar Çocajn. Në këtë konflikt është përfshirë edhe Luana, e cila ka tentuar të ndajë djemtë.
Në konflikt e sipër, Lila ka tentuar të nxjerrë nga çanta dhe një pistoletë, por fatmirësisht nuk mundi ta përdorte, pasi pak minuta më vonë në zonë ka qenë duke patrulluar Shefi i Krimeve të Komisariatit nr. 6 së bashku me një patrullë, e cila ka ndërhyrë menjëherë duke bërë shoqërimin e dy djemve në komisariat.
Policia sekuestroi dhe armën pa leje që posedonte Besmir Lila. Pas marrjes në pyetje i dashuri i Luanës u la i lirë, ndërsa Besim Lila u arrestua në flagrancë për “përndjekje dhe armëmbajtje pa leje”.
