Ajo është tërhequr nga skena prej disa vitesh, por në një intervistë të re në emisionin “Loose Women”, Nelly Furtado bëri të ditur se është divorcuar nga bashkëshorti i saj pas 9 vitesh martesë. 38-vjeçarja u shpreh se një pjesë e mirë e njerëzve mendojnë se ajo është ende e martuar me Demacio Castellon-in dhe një gjë e tillë po e pengon atë që të njohë njerëz të rinj.
“Jam single tani. Dikush duhet të rifeskojë profilin tim në Wikipedia sepse nuk po më ndihmon në gjetjen e dikujt tjetër. “- u shpreh me humor këngëtarja, nënë e një vajze, duke theksuar se është gati për një lidhje të re.
Artistja u shpreh se në një pikë të caktuar, të qenit nënë, këngëtare koncertesh dhe një bashkëshorte, e bëri që të shkatërrohej. “Në pikën kulminante të karrierës sime, isha kaq e ekzaltuar. Por mora shumë përgjegjësi përsipër. Në nënë që është vazhdimisht në udhëtim që gjithashtu mundohet të mbajë një lidhje. Kam qarë në skenë.”- rrëfeu ylli i hitit "Man Eater".
