Në një intervistë për “Pasdite në Top Channel”, ish-Miss Albania dhe aktorja Almeda Abazi, ndër të tjera, foli edhe për ndërhyrjet estetike.
“Unë e kam pranuar që kam bërë ndërhyrje estetike në hundë.”- u shpreh Abazi duke thënë se ajo nuk e ka problem të flasë për këtë, e madje shpjegoi edhe arsyen e ndërhyrjes estetike. Bukuroshja e ekranit rrëfeu se ajo në fakt nuk ka pasur probleme me hundën e saj.
“Madje kam pasur hundë shumë të vogël. Por kur dilja në ekran, diçka ndodhte. Nga hijet apo diçka tjetër, hunda ime dukej tjetër për tjetër. Unë flisja dhe e kisha mendjen tek mënyra sesi dukesha dhe kjo nuk është diçka e mirë për dikë që është në ekran.”- iu shpreh ajo. Abazi tha se njerëzit e kanë të thjeshtë të gjykojnë kur të shohin në ekran, por ata nuk e kuptojnë që personat që dalin në televizion, janë aty pikërisht për ta. “Çdo njeri që punon në televizion duhet ta bëjë nëse e shqetëson diçka e tillë.”- tha ajo në intervistë.
