Xhejmsi në një intervistë për ‘Bluetooth’ ndër të tjera ka thënë se e vlerëson shumë Marinën dhe është e lumtur që do ta zëvendësojë atë, por ndryshe nga ajo, në sferën sentimentale nuk preferon një reper si Getoari pasi djemtë e këtij profesioni nuk i pëlqejnë.
Deklarata e plotë: “Ftesa më ka ardhur nga Soni, fotografi. Kur isha atje si e ftuar, kam përshtypjen se lashë një lloj impresioni. Ndoshta spontaniteti, batutat bënë që produksioni të mendonte për mua. Shto këtu pastaj edhe faktin që Marina ka shprehur dëshirën për të ikur nga ky format. Megjithatë, ende nuk është konfirmuar asgjë. Ne jemi akoma në bisedime. Unë nuk mund të them nëse do ta zëvendësoj Marinën, por do të ishte bukur. Mendoj se do të isha e aftë për ta bërë. Marrëdhëniet me futbollin i kam shumë të mira në fakt. Kam informacion rreth futbollit dhe jam tifoze edhe me skuadrat e huaja, si italiane, gjermane. Më pëlqen shumë futbolli. Unë nuk e synoj një reper. Nuk më pëlqejnë.”
