Aktorja sapo na tregoi se jo gjithmonë Reynolds është imazhi që do të ketë përballë.
Pas eventit të organizuar për 100 personat më influencues të botës, (Time's 100 Most Influential People), ylli i "Gossip Girls" ka postuar në llogarinë e saj të Instagramit një foto, ku fillimisht të gjithë menduam se ia dedikonte totalisht bashkëshortit të saj, por jo. I fshehur pas portretit të Ryan-it, diku në cep, dukej John Legend tek performonte dhe Lively nuk kursehet ta "ngacmojë" të shoqin rreth tij, siç duket dhe në përshkrimin poshtë fotos. "Urime njeriut më influencues të jetës sime! Je burri më i mirë që njoh. E meriton totalisht këtë. Ah, sikur im shoq mos të të bllokonte! Më fal John Legend."-i shkruan Blake këngëtarit. Duket se në vend të tij, aktorja do të donte të shihte yllin e "All Of Me". Por sigurisht, e gjithë kjo është bërë në sensin e shakasë, pasi çiftet janë miq shumë të mirë me njëri-tjetrin.
