Transmetimi i drejtpërdrejtë në televizion shpesh krijon edhe incidente apo probleme moskoherencë me kolegët apo të ftuarit. Kjo ka ndodhur edhe në studion e njërit prej emisioneve më të ndjekur ku në panel ishte ftuar edhe moderatorja tërheqëse Belen Rodriguez.
Teksa qëndronte pak me frikë pas perdes, moderatorja dhe modelja është futur më në fund në studio për tu akomoduar me të ftuarit e tjerë teksa gazetari i famshëm Maurizio Costanzo i thoshte: “Mirë që je me vonesë, po tani futu dhe mos e zgjat më”! Më tej pasi bëri hyrjen e sikletshme në transmetim të drejtëpërdrejtë, Costanzo nuk e lë me aq. “Je një orë e çerek me vonesë”. Por Belen nuk ka hezituar aspak t’i kthejë atij një përgjigje.
“Herën e fundit më dërgove deri në Argjentinë, ndaj mu desh ca kohë që të vija këtu”, tha Belen duke ju referuar deklaratës së para disa kohëve të Costanzo-s i cili tha: ‘Belen na ka lodhur, le të kthehet në vendin e saj’.
