Ish-zonja e parë e Shteteve të Bashkuara të Amerikës kujdesej për veshjet e saj deri në çdo centimetër, ose më mirë të themi milimetër.
Në librin dedikuar saj, “Jackie’s Girl: My Life with the Kennedy Family”, shkruar nga asistentja e saj, zbulohen detaje që tregojnë edhe njëherë kapriçiot e Kennedy kur vinte puna tek veshja. Kathy McKeon ka jetuar me Kennedy-t në periudhën 1964-1977 dhe ishte përgjegjëse për garderobën e zonjës së parë. “Garderoba ishte një dhomë më vete dhe të gjitha rrobat e Madamës ishin të renditura sipas ngjyrave. Nuk kisha parë kurrë një koleksion aq mahnitës këpucësh.” Por e veçanta më e madhe ndodhej tek sholla e këpucëve. “Pjesa më intriguese për mua ishte zgjatimi prej 5 milimetër i njërës takë, sepse njëra këmbë ishte pak më e shkurtër se tjetra. Kush do ta kishte menduar?”
