Për një periudhë të gjatë kohore, Sinan Hoxha dhe Seldi Qalliu ishin shndërruar në dyshen e sukesit. Ata kishin realizuar pesë këngë derisa një moment, bashkëpunimet ndaluan.
Të ftuar në emisionin Prive, ata kanë treguar për herë të parë sesi Seldi prishi marrëdhënien.
Fillimisht, Sinani ka thënë se arsyeja ishte largimi i Seldit në Amerikë për të kryer studimet e nivelit master, por në të vërtetë krisja kishte nisur më parë. “Sigurisht që midis nesh një grindje e vogël ka ndodhur, por nuk është e rangut që kanë shkruar portalet. Një neglizhencë artistike nga ana e Seldit, ndoshta dhe kërkesa e tepërt e llogarisë nga ana ime. Ndoshta e kam tepruar me kërkesën e llogarisë për shkak të karrierës”
Nga ana tjetër dhe Seldi ka konfirmuar arsyen e Sinanit duke thënë: “Isha shumë i ri në kohën kur u bëra i famshëm. Po të isha me këto mend që jam sot, gjërat do kishin qenë shumë ndryshe. Sinani gjithë kohën është munduar për mua. Ia lë arsyen moshës”
