Pas performancës në emisionin e famshëm "Jimmy Kimmel Show", Dua Lipa po përgatitet për të tjera suksese në kuadër të promovimit të saj ndërkombëtar.
Siç ka njoftuar vetë artistja shqiptare në Instagram, ajo do të shoqërojë yllin e muzikës Bruno Mars në turin e tij të koncerteve në vitin 2018. "Është koha e shfaqjes. Do t'i bashkohem Bruno Mars-it në tur dhe mezi po pres!"- shkroi Lipa lidhur me këtë hap jashtëzakonisht të rëndësishëm në karrierën e saj. Dua do të jetë e ftuara speciale e artistit në nëntë koncerte që do të mbahen në disa qytete të mëdha në Australi.
