Në 10-vjetorin e revistës, editorët e prestigjiozes 'Vogue India' kanë zgjedhur imazhin e Kendall Jenner-it në kopertinën e tyre, e cila është publikuar të mërkurën.
Ajo do të prezantojë numrin special të revistës nën titullin "Indian Affair". Por duket se kjo nuk i ka pëlqyer aspak audiencës dhe gjithë fansave vendas. Kritikët e "Vogue India-s", përpos opinioneve të tyre, kanë kërkuar të dinë përse nuk zgjodhën një modele indiane për të festuar përvjetorin e revistës. "Pse jo një modele indiane kur ka kaq shumë përrreth? Kjo të krijon impaktin se vendi ynë nuk ka karakter dhe bukuri me të cilën të identifikohet."-shkruhet në Facebook. Sipas Huffington Post, nga ana e saj, revista nuk ka dhënë ende asnjë koment rreth këtyre akuzave, por dihet është se askush nuk mendoi se zgjedhja e Kendall-it do të shkaktonte debate të tilla.
