Një prej aktorëve që ka bërë histori në kinemanë amerikane dhe atë botërore ka ndërruar jetë në moshën 68-vjeçare.
Bëhet fjalë për Powers Boothe, i njohur për dhjetra role të mëdha në karrierën e tij, i ndjekur ndër vite edhe nga fansa në Shqipëri.
Filmat Western kanë qenë disa prej të preferuarve të aktorit duke luajtur disa prej roleve më pikante në to.
Boothe është i njohur për rolet në “Qyteti i Mëkatit”, “Agjentët e S.H.I.E.L.D”, etj.
Lajmi është bërë me dije nga publicist Karen Samfilippo.
Paraprakisht mendohet se vdekja e tij ka ardhur nga shkaqe natyrale. Ai u gjet pa jetë në banesën e tij në Los Angeles.
Tashmë familja e tij është duke menduar një memorial në nder të Boothe.
Bota e kinematografisë ka shprehur ngushëllimet për largimin e aktorit nga jeta.
